Русско-лезгинский словарь

· А · Б · В · Г · Д · Е · Ё · Ж · З · И · Й · К · Л · М · Н · О ·

· П · Р · С · Т · У · Ф · Х · Ц · Ч · Ш · Щ · Ъ · Ы · Ь · Э · Ю · Я ·

жа жб жв жг жд же жж жи жм жн жо жр жу жю

ж (частица) — см. же.

жаба ^I (зоол.) — ттаран къиб.

жаба ^II : грудная жаба (мед.) — рикI алай чкайрилай хурун тIал.

жабры (мн.) — жабрияр (це жедай гьайванрин, мес. балугърин нефес къачудай органар, кьилин къвалав гвай къалпагъ алай япар хьтинбур) : взять за жабры (перен., разг.) — туьтуьх кьун, туьтуьник ккIана алат тавун, мажбур авун.

жаворонок — пIапIиш нуькI.

жадина (м. и ж., разг.) — пис темягькар, къаних, мискьи кас.

жадничать (несов.) — 1. къанихвал авун, темягькарвал авун, азгъунвал авун. 2. мискьивал авун, кIевивал авун.

жадность (ж., мн. нет) — 1. къанихвал, азгъунвал, темягькарвал. 2. мискьивал, кIевивал.

жадный — 1. къаних, азгъун, темягькар. 2. мискьи, кIеви.

жажда (мн. нет) — 1. цихъ къанихвал, сусамишвал. 2. (перен.) къанихвал, тамарзувал, гзаф кIан хьун.

жаждать (несов.) — 1. цихъ къаних хьун, сусамиш хьун. 2. (перен.) тамарзу хьун, къаних хьун, гзаф кIан хьун.

жакет — жакет (1. виликди итимрин куьруь пенжек хьтинди. 2. гила дишегьлийрин куьруь, винелай алукIдай партал.).

жалеть (несов.) — 1. язух чIугун : он жалеет сирот — адаз етимар (етимрин) язух къвезва, ада етимрин язух чIугвазва. 2. гьайиф атун, гьайиф хьун : он жалеет деньги — адаз пул гьайиф къвезва.

жалить (несов.) — ягъун; гун; кIасун, сухун : змея жалит — гъуьлягъди яда; пчёлы жалят — чIижери гуда (мизмиз сухда).

жалкий — 1. язух, язух къведай : жалкий вид — язух къведай акунар (шикил). 2. усал : костюм пришёл в жалкое состояние — костюм усал гьалдиз атана. 3. къиметдик квачир; жизви; усал : жалкая роль — усал роль (са гъвечIи роль); жалкие деньги — жизви пулар.

жалко (нареч.) — см. жаль.

жало — 1. мизмиз : жало пчелы — чIижрен мизмиз. 2. мез : жало змеи — гъуьлягъдин мез. 3. (перен.) хци кIвенкI; хци (туькьуьл) гаф.

жалоба — 1. шикаят, арза : подать жалобу — арза гун. 2. арза, шел-хвал : жалобы на одиночество — вичин ялгъузвилелай шел-хвал.

жалобно (нареч.) — язух къведай тегьерда.

жалобный — 1. язух къведай, язух къведай тегьердин. 2. арзайрин, шикаятрин (мес. дафтар).

жалобщик — арзачи, шикаятчи.

жалованье — дуллух, мажиб.

жаловать (несов., уст.) — 1. пишкешун, багъишун. 2. хатур авун, гьуьрметун. 3. атун.

жаловаться (несов.) — 1. шел-хвал авун (жуван гьалдилай, сагъсузвилелай). 2. арза гун, шикаят авун, арза авун.

жалостливый — мергьеметлу, масад язух къведай.

жалостный — язух къведай.

жалость (ж., мн. нет) — 1. язух, регьим, язух атун : из жалости — язухдай. 2. гьайиф, пашманвал : какая жалость! — лап гьайиф! пагь, гьайиф!

жаль — 1. гьайиф къвезва; язух къвезва; язух я : жаль брата — стха язух къвезва. 2. гьайиф; гьайиф къвезва : жаль, что он не приехал — гьайиф, ам атанач; ему жаль денег — адаз пул гьайиф къвезва.

жалюзи (ср., нескл.) — жалюзи (пенжердай авадардай кьелечI кьуларин пердеяр).

жандарм — жандарм (жандармериядин къуллугъчи).

жандармерия (мн. нет) — жандармерия (пачагь авай девирдин Россияда ва гилани капиталист уьлквейра револющиядин гьерекатдин аксина женг тухудай кьилдин полиция).

жанр — 1. жанр (1. жуьре, литературада ва искусствода произведениедин са жуьре. 2. яшайиш, майишат къалурзавай шикил.). 2. (перен., разг.) жуьре, къайда, тегьер.

жар (мн. нет) — 1. гзаф чимивал, зегьем; гзаф чими вахт; гзаф чими гьава. 2. цIун мурз, гзаф чими гьава. 3. жуьгьенар, цикIламар, цIун (кана алахьнавай жуьгьен цIай). 4. ифин, гьарарат. 5. (перен.) къизмишвал; гьевес : задать жару — тадияр гун (кичIерар, дяве авун); чужими руками загребать жар — масадан гъилелди цIай кIватIун (масадан зегьметдикай, масадан гъилелди вичиз хийир къачун, жув кьулухъ акъвазна масад гьалдрун).

жара (мн. нет) — гужлу чимивал, пис чимивал, зегьем.

жаргон — жаргон (массайри ишлемишзавайди тушир, анжах са социальный группадикай тир инсанри ишлемишзавай, вичихъ кьилдин грамматика ва гафарин асул фонд авачир диалект).

жареный — чрай (гъеридал ва я гьакI цIал).

жарить (несов.) — 1. чурун; къавурмишун (гъеридал, цIал). 2. ккун, чурун (мес. ракъини). 3. (перен., разг.) гьерекатун, тади авун; гваз эгечIун : жарить на гармошке — чIагъандив гваз эгечIун, худда чIагъан ягъун.

жариться (несов.) — чурун.

жарища (мн. нет, разг.) — гзаф пис чимивал, эх тежер чимивал.

жаркий — 1. гзаф чими; кудай. 2. чими : жаркие страны — чими уьлквеяр. 3. (перен.) къизмиш; къизгъин; къати.

жаркое — жаркое, гъеридал чрай як (верч ва мсб.).

жаровня — мангъал.

жаропонижающее (мед.) — ифин (гьарарат) явашардай (ифин агъузардай) дарман.

жасмин (мн. нет) — жасмин (ни галай лацу цуьквер жедай багъдин кул-вал; гьадан цуьк).

жатва (мн. нет) — гвен; гвен гуьн : до жатвы осталось не больше недели — гвен гуьдалди са гьафтедилай виниз амач.

жатвенный — гвенин, гвен гуьдай.

жатка — гвенин машин, гвен гуьдай машин.

жать ^I (несов.) — 1. чуькьуьн : жать друг друга в толпе — халкьдин (чалпачухдин) арада сада сад чуькьуьн; сапог жмёт ногу — чекмеди кIвач чуькьвезва. 2. чуькьуьн, чуькьвена хкудун (са затIуникай яд). 3. (перен.) дарвал гун, чуькьуьн, шипIун.

жать ^II (несов.) — гуьн.

жаться (несов.) — 1. агаж хьун. 2. илис хьун; игис хьун : жаться к матери — дидедив игис хьун. 3. (перен., разг.) жуваз (вичиз) дарвал гун, пул чуькьвена кьун.

жбан — кьил алай гетIе (кIарасдин).

жвачка — 1. гирнагъ. 2. гирнагъ ийидайла къеняй хкиз жакьвазвай ем : жевать жвачку — см. жевать.

жвачный — гирнагъдай : жвачные животные — гирнагъдай гьайванар (хеб, ккал, гамиш ва мсб.).

жгут — жгут, чIикь (самарикай, еперикай, чIуларикай алчударна храй хьиз расай чIикь, кутIундай еб хьтинди).

жгучий — 1. кудай; къатламишиз тежер. 2. (перен.) гужлу, къати, кIеви : жгучий брюнет — вилерни чIарар чIулав хвех хьтин кас; жгучий вопрос — лап вирида фикир гузвай; месэла, гзаф метлеб авай месэла.

ждать (несов.) — килигиз акъвазун, вил алаз акъвазун, гуьзлемишун : ждать не дождаться — гзаф тамарзу яз гуьзлемишун, мус жедатIа лугьуз вил алаз хьун.