Русско-лезгинский словарь

· А · Б · В · Г · Д · Е · Ё · Ж · З · И · Й · К · Л · М · Н · О ·

· П · Р · С · Т · У · Ф · Х · Ц · Ч · Ш · Щ · Ъ · Ы · Ь · Э · Ю · Я ·

ща ще щи щу

щавель (м., мн. нет) — цурун пешер (недай, хуьрекдик кутадай, чуьлда акъечIдай).

щадить (несов.) — 1. инсаф авун; регьим авун : не щадить врага! — душмандиз инсаф ийимир! 2. инсаф авун, гьайиф атун : щадить здоровье — ччандиз инсаф авун (ччан хуьн), ччан гьайиф атун.

щебенка (мн. нет.) — см. щебень.

щебень (м., мн. нет) — чирх, кукIварай куьлуь къванер, хирхем къванер (рекье, ччиле твадай).

щебет (мн. нет) — чIив-чIив, чIирив-чIирив, чIивривар.

щебетание (мн. нет) — 1. см. щебетать. 2. чIивчIив, чIирив-чIирив, чIивривар (къушарин).

щебетать (несов.) — 1. чIив-чIивар авун, чIирив-чIирив авун, цIив-цIивар авун. 2. (перен.) акъваз тийиз зарбдиз рахун (аял; дишегьли).

щегол (зоол.) — шегол (макьамар ядай цIару нуькI).

щеголиха — дамахчи (дишегьли), дамахдалди алукIнавай (алукIдай) дишегьли.

щеголь (м.) — дамахчи, гзаф дамахдалди алукIдай (алукIнавай) кас.

щегольнуть (однокр.) — см. щеголять.

щегольской — гзаф дамахдин; дамах гвай, багьа, тIарам (мес. партал).

щеголять (несов.) — 1. гзаф дамахдалди гуьрчегдиз алукIун; дамах авун : щеголять в новом пальто — цIийи пальто алаз дамах авун. 2. (перен., разг.) дамах авун, фурс авун : щеголять знаниями — чирвилералди дамах авун.

щедрость (ж., мн. нет) — жумартвал.

щедрый — 1. жумарт : щедрый человек — жумарт кас. 2. къиметлу, багьа; бул : щедрые подарки — къиметлу еке савкьатар (пишкешар).

щека — хъвехъ : есть (уписывать) за обе щеки (разг.) — кьве хъвехъни дакIуриз тIуьн, къанихвилелди, гзаф иштагьдалди тIуьн.

щеколада — къапу (рак) агалдай ракь, тIуб.

щекотать (несов.) — 1. хъиткъитIар кутун (къвалак кягъуналди хъуьруьн гъун). 2. хьиткъитI къведай хьиз хьун, квазвай хьиз хьун : у меня в носу щекочет — зи нерин къеняй хъиткъитI къвезвай хьиз (квазвай хьиз) ава. 3. (перен.) тIимил хуш къведайвал хкуьрун (мес. кефиник).

щекотка (мн. нет) — хъиткъитI, хъиткъитIар.

щекотливый — 1. хъиткъитI (хъиткъитIар) къведай. 2. (перен.) четин, назик, мукьуфдалди эгечIна кIандай месэла (яни регъуь хьун, айиб арадал гъидай месэла).

щекотно (в знач. сказ.) — хъиткъитI къвезва.

щелистый — гзаф ферер авай, хъиткьерар авай.

щелк (разг.) — 1. тIампI. 2. тIампI ягъун.

щёлка — гъвечIи фер, гъвечIи хъиткьер.

щёлканье (мн. нет) — см. щёлкать.

щёлкать (несов.) — 1. тIампI ягъун; тIампIар ягъун : щёлкать по лбу — пелез тIампIар ягъун. 2. тIарпI авун (мецелди); чIверкь авун, тIарпI авун (къамчиди); тIакьа-тIакь авун (сарари); тIампI ягъун, тIанбул ягъун (тупIаралди). 3. макьамар ягъун, чIивривар авун (къушари). 4. хун, тIеркь ийиз хун (сараралди, мес. кIерецар); хаз тIуьн (мес. семечкаяр).

щёлкнуть (однокр.) — см. щёлкать.

щёлок — шйолок (руьхъведин яд; поташ квай яд, парталар чуьхуьн патал ва техникада ишлемишда).

щелочить (несов.) — шйолок кутун / шйолоч кутун.

щелочной — шйолокдин, шйолок квай; шйолочдин.

щёлочь (ж., хим.) — шйолоч (кудай химиядин затI я).

щелчок — тIампI : дал щелчок по лбу — пелез тампI яна.

щель (ж.) — 1. фер (свар, швал); хъиткьер. 2. жув бомбайрикай хуьдай хандакI.

щемить (несов.) — 1. чуькьуьн. 2. (перен.) рикI чуькьуьн, рикI ккун, рикI чуькьвезвай хьиз хажалат гун, гьамлу авун : сердце у меня щемит — зи рикI чуькьвезвай хьиз ава, рикIиз дерт жезва, рикIе гъам гьатнава.

щениться (несов.) — гурцIулар хун (кча), шарагар хун (жанавурди, сикIре ва мсб.).

щенок — гурцIул.

щепа — хъвалахъ, чIидгъем (кIарасдилай алатай).

щепать (несов.) — гудун, чIидгьем-чIидгъем авун, чIидгъемар авун (мес. кьулунин кIусуникай цIай авун патал).

щепетильный — лап куьлуь-шуьлуьйриз фикир гудай (кас).

щепка — хъвалахъ; чIидгъем.

щепотка — пуд тупIув кьур, са пуд тупIув кьур : щепотка соли — са пуд тупIув кьур кьел.

щепоть (ж.) — 1. сад-садав агудай пуд тIуб (чIехи-кIанчIал тIубни, кьвед лагьай тIубни юкьван тIуб). 2. см. щепотка.

щербатый — 1. чупур, чупурвал квай, гелер квай : щербатое лицо — чупурвал квай (гелер квай) ччин. 2. гелер-кьацIар авай, кьацI-кьацI хьайи, лекъвер-синер авай : щербатый пол — лекъвер-кьацIар авай ччил (тахта ттур кIвалин).

щербина — 1. кьацI : нож с щербинами — кьацIар авай (кьацI-кьацI хьайи, мурз аватай) чукIул. 2. гел (мес. ччинал цIегьрен гел).

щерить (несов., разг.) — экъисун : щерить зубы — сарар экъисун.

щетина (мн. нет) — векъи чIарар; векъи чIар (мес вакIан) : щетина густых волос — къалин векъи чIарар.

щетинистый — векъи; вакIан чIарар хьтин.

щетинить (несов., разг.) — цаз-цаз авун, тик акъвазрун (чIарар).

щетиниться (несов.) — 1. чIарар цаз-цаз авун, чIарар тик акъвазрун. 2. цаз-цаз хьун, тик акъвазун (чIарар). 3. (перен.) хъел атун.

щетка — 1. шотка (шутка) : зубная щётка — сарарин (сарар михьдай) шотка; платяная щётка — парталрин шотка. 2. балкIандин кIвачин зигил (закIам, зкIам) ва адал алай чIар.