НАЧЕС 1. эвягъун. 2. мег; цIвелер (эвяна раснавай). 3. яргъи чIичI. 4. эвягъай затI (сар ва мсб).

НАЧЕСАТЬ 1. эвягъун. 2. чухун.

НАЧЕСАТЬСЯ разг. чухун.

НАЧЕСТЬ гьисабун (садан винел, кIвачихъ).

НАЧЕТ (садан кIвачихъ, винел) гьисабун, ягъун; кIвачихъ ягъай (гьисабай) пул.

НАЧЁТЧИК кIелай, амма кIелнавайдан дерин манадин гъавурда гьат тавур кас; асул метлеб кьатIун тийиз гьакI эзбердай кас.

НАЧИНАНИЕ 1. башламишун. 2. башламишай са кар.

НАЧИНАТЬ несов., см. начать.

НАЧИНАТЬСЯ несов. 1. башламишун. 2. башламиш хьун.

НАЧИНИТЬ1 ацIурун, ттун (мес. афардин къене хъчар, бадамжандин къене як).

НАЧИНИТЬ2 1. расун; кIвенкI авун (карандашрал). 2. расун.

НАЧИНЯТЬ несов., см. начинить1.

НАЧИНКА 1. ттун, ацIурун. 2. ттур затI; пирог с мясной начинкой къене як авай афар; конфеты с начинкой къене затI авай къенфетар.

НАЧИСЛЕНИЕ 1. см. начислить. 2. винел хъивегьайди, алава хъувурди (пул).

НАЧИСЛИТЬ винел вигьин, винел хъивегьун, алава авун, винел гьисабун.

НАЧИСЛЯТЬ несов., см. начислить.

НАЧИСТИТЬ 1. михьун. 2. аладрун, аладарна михьун (мес. картуфар).

НАЧИСТО нареч. 1. михьивилелди. 2. вири, михьиз, михьи-михьелай.

НАЧИСТОТУ нареч. ачухдиз, чуьнуьх тавуна вири.

НАЧИСТУЮ нареч. разг., см. начистоту.

НАЧИТАННЫЙ гзаф кIелай.

НАЧИТАТЬСЯ кIелун; гзаф кIелун.

НАЧИТЫВАТЬ несов., см. начесть и начитать.

НАЧИЩАТЬ несов., см. начистить.

НАЧСОСТАВ (начальствующий состав) начальникрин состав, начальникар (армияда).

НАЧУДИТЬ разг. гзаф къариб крар авун, уюнар акъудун.

^ НАШ местоим. чи.

НАШАЛИТЬ разг. женжелвал авун, надинжвал авун.

НАШАТЫРЬ м мн. нет нешетир.

НАШАТЫРНЫЙ нешетирдин; нешетир квай.

НАШЕПТАТЬ япал кIуф эцигна лугьун, кушкущдалди лугьун, куш-куш авун.

НАШЕПТЫВАТЬ несов., см. нашептать.

НАШЕСТВИЕ гьужум, атана басмишун.

НАШИВАТЬ несов., см. нашить.

НАШИВКА 1. винел цвана алкIурун. 2. винел цванвай чIук. 3. хилел (ва я къуьнел) цванвай лишан.

НАШИНКОВАТЬ разг. куьткуьнун (мес. келемар).

НАШИТЬ 1. цун, винелай эцигун (мес. цвана жибин). 2. кутун, цун (са затIунин винел са затI; мес. дуьгмеяр цун, кутун).

НАШЛЕПАТЬ разг. капаш (капашар) вигьин, капашдалди ягъун.

НАШУМЕТЬ 1. къал авун, ван ттун. 2. ван чукIурун, ван чукIун, вичикай гзаф рахунар арадал гъун.

НАЩЁЛКАТЬ разг. сараривди хун; сараривди хаз тIуьн (мес. кIерецар, ракъин цуькверин цилер); хун (мес. хехиналди).

НАЩИПАТЬ разг. 1. чухун (векьер, сар). 2. кIасун (тупIаривди), жакIумар акъудун.

НАЩУПАТЬ 1. тIуб-гъил авуна жугъурун (мес. жибинда авай са затI). 2. ахтармишна чирун; ахтармишна жугъурун.

НАЩУПЫВАТЬ несов., см. нащупать.

НАЭЛЕКТРИЗОВАТЬ 1. физ. электрикдив ацIурун, электрик кутун. 2. пер. къизмишрун, гьевес кутун, гьевес хкажун.

НАЭЛЕКТРИЗОВАТЬСЯ 1. электрикдив ацIун, электрик акатун. 2. пер. къизмиш хьун, гужлу гьевес акатун.

НАЯБЕДНИЧАТЬ разг. фитне авун, гъибет авун, хабар гун.

НАЯВУ нареч. уях яз, гьакъикъатда (ахварай тушиз).

НЕ частица 1. ваъ; не яблоко, а груша ич ваъ, чуьхвер. 2. -ч; -мир; т-(инкарвилин лишан яз глаголрихъ галаз ишлемишда); не пишет кхьизвач; не идёт къвезвач; не ходи фимир; пусть он не ходит ам фин тавурай. 3. туш; он не учитель ам учитель туш. ♦ не то тахьайтIа.

НЕАККУРАТНЫЙ 1. дикъетсуз, кар вахтунда тийир. 2. дикъетсузвилелди авунвай, хъсандиз тавунвай, усалдиз авунвай (шей, кIвалах). 3. къайгъусуз, ментеш, пинти, чкIай.

НЕБЕЗОПАСНЫЙ хаталу тир, хатавал авачиз тушир.

НЕБЕЗОСНОВАТЕЛЬНЫЙ делилсус тушир, делил авачиз тушир, делил авай.

НЕБЕЗУПРЕЧНЫЙ айиб квачиз тушир, айиб квай, рехне квачиз тушир, рехне квай.

НЕБЕЗУСПЕШНЫЙ агалкьунар авай, агалкьун авачиз тушир.

НЕБЕЗЫЗВЕСТНЫЙ тийижирди тушир, машгьур.

НЕБЕЛЁНЫЙ лацу тавур.

НЕБЕСА мн. цавар.

НЕБЕСНЫЙ 1. цавун; цава авай; цавал алай; цаварин. 2. цавун (мес. ранг). 3. пер. уст. акьалтIай гуьзел, гуьрчег.

НЕБЕСПОЛЕЗНЫЙ менфятсуз тушир, менфят квачиз тушир.

НЕБЕСПРИСТРАСТНЫЙ майилвал авачиз тушир, майилвал ийидай.

НЕБЛАГОВИДНЫЙ мешребсуз, абурсуз, кутуг тавур.

НЕБЛАГОДАРНЫЙ 1. вичиз авур хъсанвал чир тежер, хъсанвилиз разивал тийир, чухсагъул талгьур. 2. вичел чIугур зегьметдин эвез агакьар тийир, нетижа гун тийир, нетижа хкат тийир.

НЕБЛАГОЗВУЧНЫЙ хуш сес авачир, сес хуш тушир.

НЕБЛАГОНАДЕЖНЫЙ 1. ихтибарсуз, ихтибар ийиз тежер. 2. шакуник квай, гимандик квай, шаклу.

НЕБЛАГОПОЛУЧНЫЙ 1. саламатвал авачир, саламатсуз. 2. хъсанзавачир, четинвилер авай.

НЕБЛАГОПРИЯТНЫЙ нагьакьан, пис; кьан тийир, хуш тушир; виже текъвер.

НЕБЛАГОРАЗУМНЫЙ акьулсуз, акьулдивай яргъа, акьуллу тушир.

НЕБЛАГОРОДНЫЙ 1. абурлу касди тийир, нагьакьан, абурсуз (кар). 2. асул авачир, усал рикI авай (кас).

НЕБЛАГОУСТРОЕННЫЙ хъсандиз туькIуьр тавунвай, къулайвилер авачир.